شاهيرينگ تويي ، ايلينگ تويي
گچن گيجه صحنه اوباسي دارابالي اوتورشيغينگ شايادي بولدي . صحراميزينگ مشهور شاهيري ستار سوقي نينگ اوغلي عزيزينگ دورموش تويي اوچين شاهيرلار طاراپيندان آيديم سازلي غوشغي مراسمي گچيريلدي . بو ييغناغا گينگ صحراميزينگ مختومقلي پراغينگ آدي بيلن اوتغاشيپ ، باشي آسمانا ديرأن جرگلان داغلاري بيلن المدام « خازار » آدين گؤترجگ ماوي دنگيزينگ آراليغيندا ياشايان آراسسا غورساقلي يازيجي - شاهيرلار صحنه اوباسينا اويشوپ ستار آغانينگ تويوني ، اؤز غوشغي لاري بيلن غوتلاديلار . گچن ييل ستار شاهيرينگ عزيز اوغلي ياز جانينگ بي واغيت يوغالاييپ آرادان چيقاني اوچين توركمن صحرأنگ ايلاتي اونينگ آغي سيني پايلاشان بولسالار بو ييل عزيز اوغلونينگ تويون دا اونينگ شادليغين پايلاشيپ دورلار .
بو ييغناغدا باغشي عبدالرحمن فراخي آيديم آييتدي و شاهيرلار غوشغي اوقاديلار كلاله شهري نينگ مختومقلي آدينداكي فرهنگي هنري جمغيه تينينگ آغضالاري ، گنبدينگ ميراث آدلي توركمن غوشغي انجمني و بندرتركمن نينگ چاووش صحرا آدينداكي فرهنگي هنري جمغيتي اؤران اكتيو غاتناشديلار .
برنامانگ باشيندا شاهير ستار سوقي گلن ميخمان لارا خوش گلدينگيز آيديپ ، شيله ديدي: « عزيز ميخمانلار بيز اوتورشيپ ، ماصلاخاتلاشيپ شو گيجه كي ادبي اوتورشيغي ، طويدان بير هپته اونگ غورناماق قارارا گلديك . سيز غاديردانلاردان توي گوني ده غاتناشماغي خوايش اديپ چاغيريارين » ديدي .
سونگ هر بير آيديمينگ آراسيندا ايكي شاهير گليپ غوشغي اوقاپ ، گيجانگ بيريارينا دنگ برنامه دووام تاپدي . قاقا بدخشان ، شاهيرجيگي سي ابراهيم بدخشانينگ سالاميني و غوتلاغ سارغيديني ميكروفون آرقالي غووشيردي . منصور طبري ساتيريك غوشغي لاري بيلن ، آيدي اونيق چونگ مانالي غوشغي سي بيلن ، غفور خوجا فلسفه سينگديرلن غوشغي سي بيلن بيله كي شاهيرلار هم اولمز ييتمز گؤزل غوشغي لاري بيلن اوتوران لارينگ يورك لرينده اوتورديلار . برنامانگ آراسيندا ، سوئد- ده ياشايان دوغانيميز شاپور دوجي نينگ ايميل آرقالي ايبره ن غوتلاغ سارغدي و ايكي ساني اوقان غوشغي سس يازغي سي ميكروفن دان گويبرليدي و اونونگ اؤز سسي بيلن اشيتديريلن سوئد توركمن كولتور اوجاغي نينگ غوتلاغ سارغيدي و اوقان غوشغي لاري اوتوران مأره كأنگ يوره گيندن توروپ اوزاق واغيت لاپ ايزي كسيلمان ال چارپيلدي . شاپور دوجي اؤز سؤزلرنينگ بير بؤله گينده ، آليس لاردا و ياد اولكه ده ياشاپ ، ايسلأن چاغي شيله اوتورشيق لاردا دوسلاري بيلن غاتناشيپ بيلمه يانينا غينانچ بيلديردي .
سس يازغي آرقالي يانگ سالان سارغيت بو گيجه كي اوتورشيغينگ ياتدان چيقماجاق خاطيراسي بولدي .
بو ييغناغ تويدان بير هپته اونگ گچيريلدي ينه 6 گوندن توي ، خاليپا دوردي طريك ، باغشي ارازمحمد شيرمحمدلي و سازاندا مجيد تكأنينگ آيديم سازلاري بيلن توتولجاق دير .
