بيرلشن ميللت لر غوراماسي طاراپئندان ائغلان اديلن  21 فوريه (2 اسقند )  بوتين دونيأ انه ديل گوني  نينگ قاديردان قيمماتلي  شانينا  باغئشلانيار.

 غفور خوجه

  بيز ييتمه سك،

سن ييتمرسينگ دونيأده.

بيزينگ بارليغميزدا –

بولارسينگ سنم  .

سني مانگا سويده غاريپ بريپ دير ،

چاغاقام آق سويدون امديرن انم .

                                                                       (آتا مراد آتاباي )

     ايلكي آغشام لاردا جئنگنگئردان تلفني گؤتره مده ، آنگئردان انگليس  ديلينده ساپاق بريأن بيرتانيش  موغالليم عايالينگ سسي گلدي :

ـ باغيشلانگ سيز بيلرسينگيز ، فارسي  « شجاع » كلمه سي ، تركمني  نأم بوليار ؟  ديدي .

     من بوُ سوُراغي اوُتوز ياشي  أتلأن توركمن  عايالينگ اؤزي باتيرليغينا  نأهيلي چؤزوپ بيلمه يأنينه گنگ غالدئم . سوُنگ اوُل سوُراغي  نئنگ ايزيندان «دانا و مهربان»  سؤزلر ي نينگ  هم توركمنچه –ده ماني سئني سوُرادي . اينهأ  بو ايكي حوي ـ حأصيت هم اول عايالينگ اوزونده جملننن زادبولسا گرك  ، شيله« بيلرمن و هامراق » زنان اگربو  گؤزل صيپات لار بيلن  توركمن لشديريپ  اؤز آدي نينگ ياني بيلن آيديلسا ، ييلغيريپ دوراردي .

    بوُ سوُراغلار اوُل زنانئنگ  اوچونجي كيلاس-دا اوُقويان دوُقوز ياشلي  غيزي ننيگ« فارسي»  درسي نينگ   « بنويسيم » كيتابينا باغلي تكليپ اكن .

    شول گيجه  ينه بيرنأچه  يردن  تلفن سسي كسيلمأن جانگ اديليپ ، پارس ديليندأكي سؤزلره ماغني آغتاريلدي  .سونگ گؤريپ دورسام شول گيجه دينگه بيزينگ اؤيوميزه دألده ايسم بيرنأچه ادبيياتچي لارينگ اؤيولرينه جانگ اديلن اكن.  هممه سي هم توركمن ديللي ماشغالالار ! نأتجه گيم بيلمأن اؤز –اؤزوم ايچيم گپلتديم: « واخ . بو سوُراغلاري اوُل نره سسه چاغالانگ انه-آتالاري بيلمه يأن بولسا ! چاغالاري  نيردن بيلمه لي ؟ » .

  سوُنگ اؤز اوچونجي كيلاسدا اوُقايان  اوُغلوم گونشينگ  شوُل كيتابئني آغتارئپ چيقديم .16  –ينجي صاحئپا –دا ، دؤرت صوراتي  شكيل لنديريپ يوُقارسئندا بو سوُراغ يازئلئپ دير :

«بنويس در محل زندگي شما به هر يك از اين تصوير ها چه مي گويند؟».

گؤونومه بولماسا ، بو   سوراغئنگ اؤزونده نوقصان  بار ميقا دييأن . منگ ناظاريما  اگر انه  ديلي أهميت لي گؤركزيلجك بولسالار  شيله  دييلمه لي :

 « بنويس در محل زندگيتان  ،  به زبان مادري شما  به هر يك از اين تصوير ها چه مي گويند؟».

     بو سوُراغي   هر بير توركمن چاغا اؤز   انه ديلينده اؤورنن  سؤزلري بيلن چؤزوپ  باشارارامي ؟ من ينه شول كيتابئنگ دورلي صاحيپالارين آغتارئپ چيقديم:

    47-ينجي ،  صا حيپادا ( صبح بخير و خداحافظ ). 54- ينجي صاحيپا-دا  ( شجاع – دانا –مهربان) . 101 –ينجي صاحيپا-دا بولسا  ( يكي از ضرب المثل هاي محل زندگي خود را به همان شكلي كه مي گويي  بنويس) .

      اينه  بوتين له يين بو كيتابينگ  دينگه دؤرت صاحيپاسيندا منگ اوُغلومينگ انه ديلينه  باغلي بوُلان سوراغ لار.

      اؤز يانيمدان دينگه بو دؤرت صاحيپا –دا  نأمأني گؤركزجك بوليارلار؟   دييپ پيكير اتديم . ايسم  بو سوُراغلار شول ايلكينجي  مكدپ ييل لارئندان بللي بير سيستمده و قادالي بير اوصولدا ، توركمن ديلينده اؤنوپ –اؤسن چاغالارا اؤوره ديلسه  نأهيلي بولار؟  .

 گؤيزينگ ايلكينجي مهر  آي لاريندا (اكتبر )  كؤپ چاغالار آغلامئشلاپ ، بي قارار گؤرونيأر. حاتدا  ييلينگ دوواميندا هم شيله . بؤكوپ دوران  هيجانلي  توركمن چاغالارينگ كؤپوسي  اؤيده اؤورنن كؤپ زاتلارئنا ، پارسچا- دا  قيپاپداش  سؤزي جايئندا و واغتئندا  ذهينه گتيريپ بيلمأن ، گويجوني الدن برن يالي ،كيلاسدا آنگ – تانگ  بولوپ ،ديميشيپ اوتوريارلار.  اوُل چاغالار هممه زاتدا منگزشليك دويسالاردا، انه ديلده اؤزگريشليك باردئغئن انه دن دوغا دويمايان ميقالار  ؟  

    كؤپ  اؤيده چي  و حاتتا موغاللئم توركمن  عايال لار  بيله زاتدان هدر اديأرلار ياـ دا  اؤزلرينه گؤرأ باشغا بير اؤزگريشليك دويجاق بوُلوپ ،بو زادينگ چمين تاپان ميقا دييپ، اؤز چاغالاري بيلن  ديل بيتيپ باشلاندان بيلأك  انه ديلده دألده ايسم كيتاپدأكي  و رسمي ديلده گپلأپ باشلايارلار. نتيجه ـ ده  باشلانقيچ  ايلكينجي كيلاس لار- دا  اوُلار چاغالاريني بيله كي توركمن چاغالاردان اوستون گؤريأرلر . امما سوُنگا باقا بير اولي گنجي –هازيناني و بير اولي اؤركلي زادي ، اول چاغالانگ دؤشوندن گؤچوره نيني دويمان غاليارلار.

  دانشگاه لاردا يوقار اوقودا اوُقايان دانشجولارميزينگ كؤپي سي اؤز بييك ادبييات  آتا مئز بولان ماغتومقلي دان بيرجه سطيرين اوقاپ بيلمأنينه  شرمنده ليكده  غاليار . حاتدا توركمن صحراداقي باشلانقئچ مكدپ لرينگ موغالليم لاري توركمن ديلي ني يازيپ بيلمه يأنينه اؤكونچ بيلديريأرلر.   

    بير يورتده  ديل دورلي ليگي شول يوردونگ اعتبارلي مسه له لرينينگ بير ينه اؤوروليپ ، رول اوينايار.بو باباتدا  هنديستان و سويس يالي كؤپ حالقلي يورتلر اؤزوچه چؤزوپ بيليپ ديرلر .

      بوتين دونيأ يونسكو غوراماسي نينگ انه ديل لري حاقيندأكي ماددالاريندا شيله  سطير لره غابات گليأريس :

"همه ي شاگردان مدارس باید تحصیلات رسمی خود را به زبان مادری خود آغاز کنند". "همه ي دولتها موظف هستند که برای تقویت و آموزش زبان مادری کلیه ي  منابع، مواد و وسایل لازم را تولید و توزیع نمایند". "برای تدریس زبان مادری باید معلم به اندازهء کافی تربیت و آماده شود ... زیرا تدریس به زبان مادری وسیله ای برای برابری اجتماعی شمرده می شود".  

 بيزينگ ايران اسلام  يووردوميز - ده هم بو مسه لأنينگ أهمييه تلي بوُلاني اوچين  ايردن اؤزاساسي  قانوني ميزينگ  15 – ينجي مادداسيندا گيريزيلن  شيله سطيرلره غابات گليأريس :

         « اسناد و مکاتبات م متون رسمی و کتب رسمی بايد با زبان و خط فارسی باشد، ولی استفاده از زبان های محلی و قومی در مطبوعات و رسانه های گروهی و تدريس ادبيات آنها در مدارس، در کنار زبان فارسی، آزاد است.»  

    اسلام  دولتيميز  هم بوتين دونيأ يونسكو غوراماسي نينگ بوقانونينا  ايلايلاشيقلي غاتناشيپ  يوقارداقي  ماددا  باباتلي   ايقجام لاشان وظيپه سين يرينه يتر مكده ايردن غول چكدي .

   بو ييل بيرلشن مللت لر غوراماسي نينگ ( UN ) طاراپندان 21 فوريه (2 اسفند ) « بوتين دونيأ  انه ديل گوني  » دييليپ ائغلان اديلدي  . شوُل اساسدا  بو واغتلار دورلي يورت لرده بو گوني  عازيز گؤرولوپ ، شانينا حاصلانيپ دورلي دابارالي ييغناغلار گچيريليأر .

      بيرلشن مللت لر غوراماسي بير زاتدان اينجايار . بو غوراما اؤز  غارايشي بويونچا ، هر بير انه  ديلينگ  ييتيپ آرادان گيتمه گيني   ، بوتين دونيأده  بير اولي گنجي ـ هازينانينگ ييتيشي بيلن   دنگ درجه  – ده گؤريأر.

     غيشينگ بير سووق گونلري نينگ بيرينده  آلاسكا  يووردونده   «اياك»  بومي لاريندان اينگ  سونگقي شاخصياتي  « ماري اسميت جونز » آتلي عايال آرادان چيقيار . اول عايال ،  آمريكانينگ دمير غازيق گونباتاريندأكي سرخ پوست لار توپلوموندان يكه جه شاخص بولوپ غاليپ دير . اول 89 ياشدا دنيأدن اؤتوپ دير . اوُنگ اؤلومي  بيلن دونيأ ديل لريندن بير انه ديل بيله گؤموليأر . جونز- دان يدي پرزند  غاليار .  اولانگ هيچ هايسي اؤز انه ديلي ني گپلأپ بيلمه يأرلر . سبأبي آلاسكا-د ا  اوُلارينگ ديلي بيلن گپله مك غاداغان و  دينگه انگليس ديلينده گپله مك بوليار.

       بيرلشن مللت لر غوراماسي نينگ گؤز يه تريشلي غاريشينا گؤرأ  دونيه ده  40% كأن ديل لربو يوقاردا گؤركزيلن  «اياك» ديلي يالي  يوغالجاغئنا  شك – شوبهه  يوق! . شوُل سبأپدن هر ييل بيرلشن ميللت لر هم يونسكو غوراماسي انه ديل لرينگ غوُراغينا چيقيپ ، انديشه لي و چأره لي ايش لر اساسيندا ، دورلي توپلوم لاردا بو  ييتريم لري اونگوندن نيغتاپ ، هؤشگأرليگه چاغيريپ،  أهلي   حالق لاردان و قوميات لاردان  عيبارات بولان دولت لري  بو ايشه ايقجام لاشماغيندا  هؤوسله نديريپ ، اول يورتلري   سيلاغلاپ غولدايار . همده بو وظيپه لي ايشدن داش دوشن يورت لري يازغاريار . آلما ن فيلسوف عاليمي، هايدگر ينگ آيديشينا گؤرأ:

    « انه ديل ، يورگ ، هم دويغي و الهام دير . هر كيم بو گويچ بيلن غارشيلاشسا  اوندا بير دويپلي و  بارليقلي زات بيلن چاقنيشار و ينگيپ بيلمز » .

    غينانساق –دا بيزينگ يوردوميزده اونس بريلن بو غوُراغلي مسه له اونگدن بأري  قانونيميزا سينگن هم بولسا ، شول قانونا لاييق ليقدا توتولمالي ايش لر هنيزه چن  بأردن غايتيار. بلكي شوُل قانونينگ آچيقلاماسي (تفسيري ) ايران اسلام جمهوريه تينده همه قوم لارا اؤز انه ديل لرينده اوقاماق و تاغليم آلماق حاقي ني اؤده يأندير.

     بير توُپارلار  بو مسه له   آغزالاندا ، شول قانونينگ  دويپلي آچيقلاماسي ني و كأبيري سي شول قانوني  عامالا آشيرماق  اوچين ماددي اوپجين لشمك مسه له لرينگ يوزه چيقماغئني آرا آتيارلار .

     دوغوردانام شيله ميقان ؟  هر حال  اگر بيزينگ دولتيميز بو قانوني عامالا آشيرجاق بوُلسا ، يوردوميزده  ميله تين ياردام وكمك برجك مدني جمعيت لر هم  اوقيپلي و استعدادلي ديل چي لر و ادبيياتچي لار  هر قوم دا ساناردان كأن . البت اگر بو  يوُقار سوواتلي  كادرلار  قادير – قيمماتلانديريلسا و اوُلاردان اؤز گركلي يرينده حاييرلانيلسا  ، بير باي  و مدنيتلي  دولتينگ  اؤسمه گينه سبأپ بولار .

       هر بير انه ديل غوُراغئندا دورماقلئقدا ، تاغلئم اوغورلارئندا ، موغالليم لار وحاتتا  كيتاپ ـ دپترلرگركلي  وبو  مدنيه تلي ايش  اؤز يؤرگونلي و ايزي گيدرلي سيستماسين طالاپ اديأر . سبأبي انه ديلي غورانماغي ، اينگ  دويپلي و واجيپ مسه له حؤكمونده غارامالي دير  .

  اگر شيديپ بيلسك اوندا بيز بير طاراپدان اؤز يوردوميزده قوم لارئ نئنگ ديل لري نينگ باي لاشماغئنا همده  دوُستلوق ، آرا غاتناشئق لارئنا أهميتلي غارادئغميزبولار،  بيله كي طاراپدان  بوتين  دونيأ دولت لري بيلن مدني رايداشلئغمئزئنگ بايا ماغئنا و اؤسمه گينه طاراپ آيغئتلي أديملري أديپ  بيلريس .

2/ اسفند / 1386